“Лантуун дохио” ТББ-ийн санаачилсан хотын захын гэр хорооллын хүүхдүүдэд аюулгүй тав тухтай тохилог орчинг бий болгон хүүхэд сурах, хөгжих, хүмүүжих, соёлжих нөхцөл боломжоор хангагдах “ИД ШИДИЙН ОРОН” хүүхэд хамгааллын хөгжлийн төвд Биллитонглори ХХК-ийн хамт олон хүүхэд бүрд нэн шаардлагатай эд материалын тусламж үзүүллээ.  

Хүүхдийг гэр бүлийн хүчирхийллээс хамгаалах, урьдчилан сэргийлэх, хүүхдийн нас бие хэл сэтгэхүйн онцлогт тохирсон сургалт, хүмүүжлийн болон сэтгэл зүйн зөвлөгөө өгөх, боловсролын үйлчилгээний хүрэлцээ хангамж муу захын гэр хороололд ногоон орчин бүхий хүүхэд хөгжлийн цогц төв байгуулан ажиллаж байгаа “Лантуун дохио” ТББ-ийн санаачлагч, тэргүүн Ч.Ганжавхлан болон нийт хамт олонд нь цаашдын хийх ажилд нь амжилт хүсье.