2008 оноос үйл ажиллагаагаа эхлүүлж өнөөдрийн байдлаар 90 гаруй орны 2000 гаруй агентийн сүлжээгээ ашиглан төмөр зам, агаар, далай болон авто зам зэрэг тээврийн бүх төрлөөр улс хоорондын болон орон нутгийн тээвэр логистикийн иж бүрэн үйлчилгээг үзүүлж байгаа “Ландбридж” ХХК-ийн зохион байгуулсан “ХААЛГАНААС ХААЛГАНД” уулзалт арга хэмжээнд манай байгууллагын менежер Д.Бямбасүрэн, Ц.Бурмаа нар оролцоо.    

Тус арга хэмжээ нь тээвэр логистикийн салбарт дэлхий дахинаа болон дотоодод болж байгаа үйл явдал, өнөөгийн тохиолдож буй болон цаашид учирч болох эрсдэл хүндрэл, боломж бололцоо, хил боомтын нөхцөл байдал, үнэ ханшийн хандлага зэрэг гадаад худалдаа эрхлэгчдэд хэрэгцээтэй мэдээллийг харилцагч үйлчлүүлэгчдэдээ хүргэх зорилгоор жил бүр уламжлал болгон зохион байгуулдаг энэхүү арга хэмжээнд 300 гаруй харилцагч байгууллагууд оролцож Ландбридж ХХК-ийн зүгээс хүргэж байгаа мэдээ мэдээлэлтэй танилцаж, өөрсдийн үйл ажиллагааатай холбоотой санал бодлоо хуваалцан амжилттай оролцлоо.